[Råd når du blir åleine]

Andre spørsmål

Det er ei rekkje praktiske spørsmål og ting du må huske på i samband med eit dødsfall. I det etterfølgjande finn du ei oversikt som kan vere til hjelp.

Aktuelle spørsmål kan for eksempel vere fortsatt rett til leige av bustad, oppseiing av eventuelt medlemsskap i fagforeining og andre foreiningar og lag, samt oppseiing av abonnementer osv. Det kan også vere at atlevande for eksempel i ein overgangsperiode treng økonomisk støtte, og da kan sosialkontoret gi råd.

a. Gravferdsbyrået
I tillegg til alle praktiske saker som må ordnast i samband med båreoverføring og gravferd, kan gravferdsbyrået også ordne med nødvendige papir til skifterett, politi, trygdekontor osb. Mange byrå kan òg formidle juridisk hjelp og kan rettleie når ein skal søkje om økonomisk støtte frå ulike instansar. Vent med å skrive under papir om skifte eller uskifte før du har skaffa deg oversikt over den økonomiske situasjonen.

b. Fødselsnummer
Offentlege kontor må ofte ha fødselsnummeret (11 siffer) til dei næraste attlevande. Fødselsnummeret står på skattekortet. Ein kan òg få det frå folkeregisteret.

c. Bustad
Den attlevande ektemaken eller barn som budde saman med den avlidne, har ein lovfesta rett til å halde fram i det leigeforholdet som den avlidne hadde avtalt med utleigaren. (Husleigelova).

d. Gravferdsstøtte frå fagforeining
Dei fleste fagforeiningane har ei ordning med gravferdsstøtte for medlemene sine. For å få desse pengane utbetalte, må ein til vanleg leggje fram medlemsnummer eller medlemskort, skifteattest og dødsattest. I visse organisasjonar er det ein foreldingsfrist på tre månader for å krevje gravferdsstønad.

e. Medlemskap og abonnement
Var den avlidne medlem i lag eller organisasjonar? Meld frå til dei. I somme tilfelle kan det vere aktuelt å seie opp abonnement som stod i namnet åt den avlidne, til dømes telefon, avis og tidsskrifter. I andre tilfelle er det meir aktuelt å endre abonnentnamnet slik at dei attlevande slepp å få oppringingar, brev og rekningar i den avlidne sitt namn. Vurder til dømes å endre namnet i telefonkatalogen og meld frå om dette.

f. Eventuell sosialhjelp
Ein etterlaten ektemake som av ulike grunnar ikkje klarer å betale utgiftene sine og difor får store problem med økonomien, kan få sosialhjelp. NAV kontora gir råd og rettleiing til den som treng det. Treng du meir informasjon, se NAV.

Ta kontakt med oss dersom du har spørsmål!

Skriv ut