Over 40? Førebu pensjonsalderen no

Over 40? Førebu pensjonsalderen no

Sjølv om det er nokre år til du blir pensjonist, kan det vere lurt å starte planlegginga av pensjonistlivet alt no. Vi vil gje deg nokre gode råd, og her ser vi på dei privatøkonomiske konsekvensane av å bli pensjonist og korleis du kan førebu deg.

Dersom du skal leve av folketrygda åleine, vil det vanlegvis føre til at inntekta går kraftig ned. Som ein indikasjon på kor mykje du får frå folketrygda, kan du rekne frå 40 til 50 prosent av lønna i dag. Har du spesielt høg lønn, får du mindre. Har du derimot låg lønn, kan det vere at du får litt meir enn 50 prosent. Uansett vil det bli stor nedgang i inntekta. For å ha like god økonomi som pensjonist må du ha lågare utgifter, eller du må sørgje for å ha andre inntekter i tillegg til folketrygda.

Generelt om pensjon
Alle former for pensjonssparing, anten det er via folketrygda, via arbeidsgjevar eller privat, kan utbetalast uavhengig av kvarandre frå fylte 62 år. Du kan velje å ta ut pensjon frå folketrygda og jobbe fullt ved sida av utan avkorting. Du kan også velje å ta ut pensjon berre frå arbeidsgjevaren og likevel jobbe fullt. Det er du som bestemmer. Legg ein plan saman med arbeidsgjevaren. Kanskje er pensjonstilværet nærmare enn du trudde!

Vi har ikkje gjeve ei fullstendig famstilling av alle detaljane i regleverket, men dette er ei førstehjelp på vegen. For meir fullstendig informasjon, ta kontakt med banken.

Banken er ikkje ansvarleg, verken økonomisk eller på annan måte, for handlingar som måtte bli gjennomførte med basis i denne informasjonen.